آپلود عکس

سن حياتيمين پارلاق اولدوزو اولدون
هارايا گئتسه م، گئديره م ايشيغينين آلدتيندا
سئوگينله بؤيودوم
دوغرو يولو بيلديم
سني سئويره م آنا

 

دانیشمادیم ؛ ائله بیلدین  کی لالام  

بیلمه دین باشدان ایاغا سووالام 

سنین کویونده قانادسیز گویرچین 

یوخسا بیل باشقا یئرلرده قارتالام 

شوشه سانیب داش گوتوروب سیندیردین 

 دای بوینوندان آسلاناجاق وابالام 

کویووه گلن لرین ان ایلکی یم  

چیخارتسان ؛ چیخاندا هامیدان دالام 

گرگ بخارا - سمرقند وئریله 

هیندین اولماسامدا ؛ منده بیر خالام 

قوربانین - حئیرانین - شئیدان - اسیرین 

سن بیرده نه ؛ من باخ چاهار ماحالام 

کیپریک لرینه دئ کی آز اوخ آتسین 

من صمد ام ؛ نه رستم ام - نه زالام

صمد پور امان بیله سوار


آپلود عکس

حیاتینیز،

اود کیمی ایستی

سو کیمی آیدین

یئل کیمی آزاد،

و تورپاق کیمی برکتلی اولسون.

بایرامینیز موبارک!

"پاشــــا"

بايرام يئلى چارداخلارى ييخاندا

نوْروز گوْلى ، قارچيچکى ، چيخاندا

آغ بولوتلار کؤينکلرين سيخاندا


بيزدن ده بير ياد ائلييه ن ساغ اوْلسون
دردلريميز قوْى ديّکلسين ، داغ اوْلسون

| ادامه مطلب

یاخجیلیق...

ایمتحانین یئتیشمک مناسبتینه اؤرنجی لرین اورک سؤزی(طنز شئعر)

نه دفتر بیزه، نه قلم سیزه قالاجاق

اؤیرنجی نمره سین آز چوخ آلاجاق

گونلر سووشـــــاجاق فارغ اولاجاق

بیر نمره ینن گَل بیزلری اوتانــــــدیر

تک یاخجیلیق بو زاماندا قالانــــدیر

 

بیلیم یوردوندا هامیمیز یوردداشــــــــــیق

اؤیرنجییک،دوستیوق،هامی سیرداشیق

فرقی یوخ، بیرلیکده باجی قارداشــــــیق

سیز ایسته سؤز نمره وئرمه ک اولانـــدیر

تک یاخجــــــــــیلیق بو زاماندا قالانــــــدیر

 

رحمیز گلسین اوستاد، منه، بولارا

امتحان گونلریمیز سووشـــــور قارا

بلکه گؤرنــــده آپاردوق ناهــــــــارا!

درک اِئت بیزی وضعییتیمیز یاماندیر

تک یاخجیلیق بو زاماندا قالانــــدیر

 

خلاصه تئــــــزلیک جه کِئچـــــر بو آنلار

قوجالارسیز هم سیز، هم بو جاوانلار

یاددا قالار فقط یاخجــــــــی آرامـــــلار!

یاخجی بودور گَل بیزی اوجالانـــــــــدیر

تک یاخجیلیق بو زاماندا قالانــــــــــدیر

 

اوســتادلار ازلــــــــــدن دوشوبدور باشا

اؤیرنجی اولســـــــاندا قوی دئییم پاشا

بیرلیکده دوستلاردان دئ: اوستاد یاشا

دئ کی اوستاد قلمی بیر دولانـــــــــدیر

تک یاخجیلیق بو زاماندا قالانــــــــــــدیر

پاشــــا موغانلـــــی93.09.26

بيز نييه سئومه يك بير- بيريميزي؟!

 

يئر گؤيو، داغ داغي، داش داشي سئودي

قاش، گؤزه وورولدو، گؤز، قاشي سئودي

تانري ناخيش ووردو نقاشي سئودي

بيز نييه سئومه يك بير- بيريميزي؟!

 

چمن لر تورپاغا خالي چكير سه

خاليدا ياشيلي، آلي چكير سه

آري چيچك لردن بالي چكير سه

بيز نييه سئومه يك بير- بيريميزي؟!

 

عؤمور گؤز قيرپيمي، فرصت آزدي سا

اوچوب اليميزدن گئدن يازدي سا

كؤنول سون نفسده سينان سازدي سا

بيز نييه سئومه يك بير- بيريميزي؟!

 

اولدوزلار سايريشيب گؤز وورور آيا

چشمه لر چاغلاييب تؤكولور چايا

سئون لر گلير سه هر گون دونيايا

بيز نييه سئومه يك بير- بيريميزي؟!

 

گول شئهدن گوج آلير، مامير قايادان

كؤز اوددان قيزارير، چيچك حيادان

سوزولوب گليرسه كؤكدن مايادان

بيز نييه سئومه يك بير- بيريميزي؟!

 

عؤمرون هم سئوينجي هم آهي وار سا

پروانه يانغيسي شام آهي وار سا

آدمين جنتده تاماهي وار سا

بيز نييه سئومه يك بير- بيريميزي؟!

 

ياغيش چيچك لرين اؤپور اوزونو

داملا پيچيلتييلا دئيير سؤزونو

شلاله قايادان آتير اؤزونو

توفان داغي سئوير، دالغا دنيزي

 بيز نييه سئومه يك بير- بيريميزي؟!

بيز نييه سئومه يك بير- بيريميزي؟!

 

 زليم خان يعقوب

        شعير:رسول يونان

             چئويرن:بهروز صديق

                        

                 سن آيي

هامي دان چوخ سئويردين

                       و ايندي

                                آي هر آخشام

                                 سني منيم ياديما سالير

                                    اونوتماق ايسته ييرم سني

                                      آمما بو آي

                                        هئچ سيلگج له

                                          آتوشگه دن سيلينمه يير.

قايناق:كنسرت در جهنم

گل تانريني ياري بؤلك

ايستي بير اَل چؤره يي تك

بير پارچاسي سنده قالسين

پارچاسيندا، اؤكسوز اوشاقلارا وئره ك.

گل دونياني ايكي بؤلك

حاقلي دده ماليميز تك

گؤزلليكلر سنين اولسون

پيسليكلري، پاخيللارا پاي گؤنده رك.

سئوگيني گل بؤلوشدورك

بير قيرميزي آلما كيمي

گوله- گوله بير ديش سن وور

بير ديش ده من.

يوخ...يوخ...

سني بؤلنمرم

تانري ايله ده...

دونيا ايله ده...

سئوگي ايله ده...

سنينله ده...

" سن "

بوتؤولوك له منيمكي سن

بير تك منيم..
.

شاعیر:مليحه عزيز پور

بایاتی

 

 

آپلود عکس

 

عزیزیـــــــــنم دوست آشــــــی

دوست چؤره یی دوسـت آشی

دشمـــــــــنین گول له سیـندن

یامان اولار دوست داشـــــــــی

برو به ادامه مطلب

| ادامه مطلب

 

شاعر فــــرهاد ابراهيــمي

 

ابراهيمي متولد 1314 شهر اردبيل است كه سروده ها و ترانه هاي

ارزشمندي را تقديم دوستاران موسيقي آذربايجان كرده است.از سروده ها

و ترانه هاي مشهور اين استاد مي توان به "آغلاما"، "آچيل سحر" و

"آيريليق" اشاره كرد كه ترانه آيريليق نخستين بار توسط رشيد بهبود اوف

خواننده اهل جمهوري آذربايجان اجرا شد.

 

 

 

 

(متن ترانه آیریلیق تقديم به ترك زبان هاي عزيز)

 

 

 

فیکریندن گئجه لر یاتا بیلمیرم

بو فیکری باشیمدان آتا بیلمیرم

نئیله ییم کی سنه چاتا بیلمیرم

آیریلیق، آیریلیق ، آمان آیریلیق

هر بیر درددن اولار یامان آیریلیق

 

"""""""""""

آردی

 

| ادامه مطلب